4 лістапада 2017 года ў сярэдняй школе № 3 г. Глыбокае адбылася вучнёўская канферэнцыя даследчых работ "Гістарычныя месцы Глыбоччыны". Ганна Сівіцкая, вучаніца 10 класа нашай школы, прадставіла на ёй даследчую работу "Праваслаўныя святыні нашага пасёлка", дзе пазнаёміла ўсіх прысутных з гісторыяй паходжання назвы пасёлка, першымі жыхарамі краю, духоўнымі святынямі Падсвільшчыны: Свільскім гарадзішчам, Замкавай гарой (яна прыгожа апавядала легенду аб Замкавай гары, у якой жылі дзве прыгажуні княжны: Марыя і Люцыя), царквой Прэабражэння Гасподняга. Напрыканцы свайго аповяду Ганна запрасіла ўсіх убачыць сваімі вачамі сцежкі, якімі хадзіў Язэп Нарцызавіч Драздовіч, яго апошнюю работу – "Зачараваны замак", пакланіцца яго памяці. Дарэчы, усё гэта Ганна расказала па памяці, што сцвярджае аб тым, што яна старанная і таленавітая вучаніца.