Людцы, дзякуй за хлеб,

Вы мяне шанавалі.

Я Драздовіч Язэп,

Вы пазналі?..

Я вас помню, а вы?

Успамянеце, можа…

14 кастрычніка споўнілася 129 год з Дня нараджэння Язэпа Нарцызавіча Драздовіча, мастака, песняра роднай гісторыі, скульптара. Менавіта гэтай даце ў школьны суботні дзень была прысвечана літаратурная кампазіцыя “Пясняр роднай гісторыі – Язэп Драздовіч”. Са сцэны гучалі біяграфічныя звесткі аб гэтай вядомай асобе, вершы ў выкананні Карпенка Дар’і, Дубіны Арцёма, Талкач Паліны. Суправаджалася кампазіцыя змястоўнай і пазнавальнай прэзентацыяй, падрыхтаванай кіраўніком школьнага краязнаўчага музея Пасюк Т.І. Працягам мерапрыемства стаў конкурс чытальнікаў “Жывая класіка”.