Калі на небе запальваюцца зоркі ў гонар людзей, нарадзіўшыхся на зямлі, то адной з самых яркіх будзе зорка  Скарыны.  Менавіта яго талент дазволіў з гонарам казаць – першая кніга на землях усходніх славян наша!

Гэтай падзеі (а ў гэтым годзе беларускае кнігадрукаванне адзначае 500-гадовы юбілей) была прысвечана паэтычна-музычная кампазіцыя “500-годдзю кнігадрукавання прысвячаецца…”. Вядучыя Карпенка Дар’я і Рымдёнак Максім нагадалі асноўныя этапы жыцця і дзейнасці нашага знакамітага першадрукара. Прысутныя ўбачылі тагачаснага перапісчыка, ролю якого выканаў Юковіч Павел, і даведаліся, які гэта быў цяжкі занятак – перапіс кніг. Канцыял Марыя, Фурс Яна, Рудак Аляксей, Шаўчонак Таццяна, Яцкоўская Анастасія чыталі вершы сучасных паэтаў, прысвечаных Ф. Скарыну. Мілагучна і душэўна выканалі песні на роднай мове Таразевіч Анастасія, Карпенка Дар’я, Талкач Каміла, Пяткевіч Вікторыя, Протас Алег, групы дзяўчынак 5 і 6 класаў.