11 лютага 2017 года на сцэне актавай залы нашай школы зноў загучала родная мова. Вядучыя мерапрыемства Мацкевіч Раман і Рэдзько Яна, Рудак Аляксей і Коўзан Анастасія запрасілі на літаратурна-музычную кампазіцыю “Славутыя беларускія пісьменнікі-юбіляры”. Прысутныя пазнаёміліся з творчасцю Н.Гілевіча, А.Вярцінскага, М Багдановіча. Гучалі не толькі вершы ў выкананні Булах Алёны, Апанасевіча Арцёма, Пятроўскага Максіма, Карпенка Дар’і, але і песні на словы гэтых паэтаў у выкананні Протаса Алега, Яцкоўскай Кацярыны, Рудака Аляксея і Лявіцкага Аляксея, Харэвіч Ірыны і Герасімовіч Міланы. А закончылі свята дзяўчаты 11 класа танцам у нацыянальным адзенні пад знакамітую песню “Слуцкія ткачыхі”. Свята было падрыхтавана настаўніцай беларускай мовы і літаратуры Пасюк Таццянай Іосіфаўнай і музычным кіраўніком Мароз Маяй Міхайлаўнай.