“Вечны вандроўнік глыбоцкага краю” – пад такой назвай прайшоў тыдзень, прысвечаны 130-годдзю з Дня нараджэння знакамітага беларускага мастака Язэпа Драздовіча.

Педагог дадатковай адукацыі аб’яднання па інтарэсах “Юныя краязнаўцы” Пасюк Т.І. разам з навучэнцамі арганізавалі веласіпедную экскурсію у в. Ляпляне “На паклон да дзядзькі Язэпа”, якая прадугледжвала не толькі наведванне месца пахавання знакамітага земляка, але і сустрэчу са старажыламі, якія памятаюць дзядзьку Язэпа.

Творчая група вучняў 9 класа Карпенка Дар’я, Рымдзёнак Максім, Вышадка Ірына правялі даследванне “Шляхамі Язэпа Драздовіча па Глыбоччыне”.

10 кастрычніка ў в.Пунькі адбылося адкрыццё памятнага знака ў гонар Язэпа Нарцызавіча Драздовіча, у якім прынялі ўдзел старшыні сельскіх камітэтаў Ерашэвіч А.В., Супранёнак П.М., работнік Глыбоцкага этнаграфічнага музея, настаўнікі ўстаноў адукацыі раёна, дырэктар Падсвільскай сярэдняй школы Сауліч Л.І., вучні і настаўнікі ўстановы адукацыі.

А затым адбылася канферэнцыя-вечарына “Дзівосны свет дзядзькі Язэпа” у Падсвільскім Доме культуры, у якой прынялі ўдзел кіраўніцтва раёна, дэлегацыя з Расіі. Прысутнічалі такія ганаровыя госці як Рашэтнікаў У.М., акадэмік Нацыянальнай акадэміі навук Беларусі, выпускнік Падсвільскай школы, Майсяёнак А., прадстаўнік НАН Беларусі.

Завяршыўся тыдзень літаратурна-музычнай кампазіцыяй “Наш славуты зямляк”. Са сцэны гучалі вершы глыбоцкіх паэтаў, прысвечаныя мастаку, гучалі песні пра родную Беларусь, малую радзіму.