27 снежня 2017 года на базе Цэнтра даследаванняў беларускай культуры, мовы і літаратуры Нацыянальнай акадэміі навук Беларусі адбылася рэспубліканская навукова-практычная канферэнцыя "Тапанімічныя даследаванні як сродак далучэння навучэнцаў да пошукава-даследчай краязнаўчай дзейнасці".
36 юных краязнаўцаў з усёй Беларусі прымалі ўдзел у рабоце канферэнцыі. Каманду Віцебскай вобласці прадстаўляла вучаніца 8 класа Дзяржаўнай установы адукацыі "Падсвільская сярэдняя школа Глыбоцкага раёна" Карпенка Дар'я, кіраўнік – настаўніца беларускай мовы і літаратуры, кіраўнік школьнага краязнаўчага музея Пасюк Т.І. Вучаніца з годнасцю прадставіла сваю даследчую працу "Тапонімы падсвільскага краю" і заняла другое месца ў намінацыі "Пасёлкі гарадскога тыпу".
Увогуле Даша лічыць, што вывучэнне і захаванне мясцовых тапонімаў – гэта верны шлях да раскрыцця новых старонак гісторыі роднага краю, якая не дазволіць страціць сувязь пакаленняў, дасць дадатковую інфармацыю пра прыроду, гісторыю і геаграфію.