23 кастрычніка адбыліся рэспубліканскія краязнаўчыя чытанні навучэнцаў “Праваслаўнае краязнаўства – жыватворная крыніца духоўнага ўзбагачэння”. Адкрыццё і плянарнае пасяджэнне праходзіла на базе Храма-помніка ў гонар Усіх Святых і ў памяць аб ахвярах, якія паслужылі выратаванню Айчыны нашай.

З прывітальным словам да ўдзельнікаў чытанняў звярнуўся Старшыня Сінадальнага аддзела Беларускай Праваслаўнай царквы па супрацоўніцтве са свецкімі ўстановамі адукацыі пратаіерэй Фёдар Поўны, які зазначыў, што ў кожнага чалавека павінен быць святы кавалачак зямлі, каб ён штохвілінна адчуваў цяпло пад сваёй нагой. Гэта дапаможа чалавеку цвёрда стаяць на зямлі і верыць у Бога.  

Прадстаўніком ад Віцебскай вобласці стаў вучань 8 класа нашай установы адукацыі Арлоўскі Арцём. На плянарным паседжанні ён выступіў з даследчай працай “Гісторыя Глыбоччыны. Страчаныя святыні.”

Напрыканцы сустрэчы пратаірэй Фёдар Поўны падзякаваў за цікавыя, змястоўныя выступленні навучэнцаў і падараваў Евангелле.

Затым з удзельнікамі краязнаўчых праваслаўных чытанняў была праведзена экскурсія, дзе пазнаёміліся з музеем  і Крыптай Храма-помніка, а таксама наведалі сам храм Усіх Святых.