У 2017 годзе спаўняецца 500 год выдання Бібліі выдадзенай Францыскам Скарынай. ДУА “Інстытут тэалогіі імя святых Мефодыя і Кірылы” Беларускага дзяржаўнага універсытэту, Нацыянальная бібліятэта Беларусі, Выдавецкі Савет Беларускай Праваслаўнай Царквы праводзяць конкурс даследчых работ навучэнцаў, прыурочаны гэтай даце.

Вучаніцы нашай школы Карпенка Дар’я і Васілеўская Дар’я працуюць над даследчай працай, прысвечанай юбілейнай даце выдання Бібліі Францыскам Скарынай.

З мэтай дасканага даследавання дзяўчынкі наведалі Музей беларускага кнігадрукавання ў г.Полацк, які быў адчынены у верасні 1990 года, на радзіме заснавальніка ўсходнеславянскага кнігадрукавання Францыска  Скарыны. Дзяўчынак вельмі ўразіў адзін з найпрыгажэйшых будынкаў горада – помнік архітэктуры XVIII стагоддзя, былы жылы корпус Богаяўленскага манастыра.

Значная частка экспазіцыі прысвечана жыццёваму шляху і дзейнасці беларускага беларускага і ўсходнеславянскага першадрукара і асветніка Францыска Скарыны.

Навучэнкі даследавалі выданні, фатаграфавалі іх, каб потым падзяліцца набытымі ведамі са сваімі аднакласнікамі. А ўбачылі шмат: “Полацкае Евангелле XVI стагоддзя”, “Апостал, 1525г”, “”Псалтыр,1522г” і іншыя выданні.

Пад адным дахам з Музеем беларускага кнігадрукавання размясціўся Музей-бібліятэка Сімяона Полацкага. Даша Карпенка і Даша Васілеўская разам са сваім кіраўніком Сауліч Людмілай Іванаўнай папрацавалі з літаратурай па тэме даследчай працы ў бібліятэцы, якая аформлена ў стылі XVII - XVIII стагоддзя.

Жадаем поспехаў дзяўчынкам у напісанні даследчай працы!