У свеце вельмі многа моў, але толькі адна з іх родная. Менавіта, яна для чалавека самая прыгожая, любімая і дарагая. І кожны год 21 лютага ў Міжнародны дзень роднай мовы людзі прызнаюцца ў любві да матчынага слова.

У дзяржаўнай установе адукацыі “Падсвільская сярэдняя школа Глыбоцкага раёна імя Героя Савецкага Саюза П.М.Казлова” гэтае свята стала выдатнай нагодай, каб узгадаць мову нашага народа.

24 лютага ў час літаратурна-музычнай кампазіцыі “Баль у мовы” прагучалі цудоўныя словы беларускіх пісьменнікаў пра мову, пра яе ўзнікненне. Дзеці чыталі вершы беларускіх паэтаў, танцавалі, спявалі песні на роднай мове. Смак роднай мовы не павінен забывацца на наступны дзень. Калі ты нарадзіўся беларусам, калі ты жывеш на беларускай зямлі, нельга не любіць родную мову. Менавіта, яна злучае людзей у адзін народ. Такая галоўная тэма мерапрыемства, прысвечанага Міжнароднаму дню роднай мовы.

Свята запомнілася ўсім. Кожны вучань зразумеў, што трэба любіць і шанаваць родную мову, бо ў ёй захавана гісторыя нашага народа.