Кожная эпоха выбірае сваіх герояў… Яны не проста пражылі жыццё, яны пакінулі яркі, добры след, былі прыкладам служэння і любові да Радзімы, жылі для людзей і з людзьмі.

 Такім чалавекам з’яўляўся наш зямляк Язэп Нарцызавіч Драздовіч – мастак, этнограф, фалькларыст, настаўнік, даследчык космасу і проста чалавек, які любіў усё роднае.

13 кастрычніка адзначаецца 134 гадавіна са дня нараджэння мастака. Па традыцыі вучні 10 класа наведаліся да магілы Язэпа Драздовіча. Прыбралі, усклалі кветкі. Хвілінай маўчання ўшанавалі памяць аб мастаку. Хацелася, каб нічога не знікла бясследна, каб засталася памяць у нашых сэрцах пра чалавека, які пакінуў значны след у гісторыі нашай краіны, нашай малой радзімы.